नेपाली हास्यव्यङ्ग्य अनलाइन पत्रिका

आफ्नो ताल
आमाको होटल र बाउको लजमा
घिच्न र लड्न सित्तै मिलुन्जेल
सबै बाबुराजा हुन्छन्–
त्यसपछि जब आफ्नो तालमा नाँच सुरु हुन्छ,
आफैँ चुइँया र मख्खिचुस हुन्छन् ।

कृष्णभीर
सडक यातायातमा हाम्रो तगारो सधैँ कृष्णभीर,
दाजुभाइमा काटाकाट पछि भयो हामीलाई पिरैपिर ।
प्यालेष्टाइनी, हमास, लिट्टे र नक्सलाइट भन्थ्यौं–
अहंको दुन्दुभीले बगाइदियो हामीलाई तीरैतीर ।

रहर
आश्रित रहर पु¥याउन सजिलो भा’छ
स्वावलम्बी रहर त कहर भएर टाउकै खा’ छ ।
ए ! केटा हो !! कपाल पाल्न पो सजिलो छ त,
भोलि स्वास्नी पाल्न नसकेर दसतिर दुगु¥याछ ! दुगु¥याछ !!

बजार भाउ
आवश्यकतासँग प्रेम गरेपछि
बजार भाउ अनवरत मस्किदैँछ ।
निरीह ग्राहक देखेर होला –
महङ्गी त ठसक्क ठस्किदैँछ ।
मन्थली, रामेछाप