सुदन लुइटेलर त गाह्रो भयो
पानी हो मन कुनै रंग छैन र त गाह्रो भयो ।
मनको लगाम आफैसँग छैन र त गाह्रो भयो ।
यति सानो मुटुभित्र अटाएन तिम्रो माया
माया राख्ने अर्को अंग छैन र त गाह्रो भयो ।
तिम्लाई पाउन जले कति धुवाँ धुवाँ शहर भयो
पाएपछि कोही दंग छैन र त गाह्रो भयो ।
तिम्रो नाम लिएर म ध्यानमा यति मस्त हुन्छु
तिमी आउँदा ध्यान भंग छैन र त गाह्रो भयो ।
कैले भूल गर्छु यस्तो कैले भूल गर्छु त्यस्तो
माया गर्ने मेरो ढंग छैन र त गाह्रो भयो ।
Subscribe
Login
0 Comments
Oldest
