नेपाली हास्यव्यङ्ग्य अनलाइन पत्रिका

ठेकेदारको टेन्डर स्वीकृत
कामको थालनी
नक्कली कच्चा पदार्थले काम फत्ते
ठेकेदारद्वारा आर्थिक प्रलोभन
कार्यालय प्रमुख आह्लादित
नक्कली सामग्रीलाई गुणस्तरीयता प्रदान
ठेकेदारद्वारा पैसाको बिटोद्वारा आभार प्रकट
ठेकेदारप्रति कृतज्ञ
सारा कार्यालयमा कुकृत्यको हल्लाखल्ला
सबैलाई ‘पञ्चामृत’
सबैको मुखमा बुजो
हाई–हाई कार्यालय प्रमुख !

कार्यालय प्रमुखद्वारा मन्त्रीलाई
– भव्य सत्कार !
– भव्य पार्टी !
– बहुमूल्य उपहार !

सरकारद्वारा कार्यालय प्रमुखलाई —
– स्वच्छ छविको वर्ष पुरूष घोषणा !
– सच्चा राष्ट्रसेवक घोषणा !
– नागरिक अभिनन्दनको घोषणा !
– विशेष बढुवाको प्रस्ताव पारितको घोषणा !
– ‘मालदार’तिर सरूवाको घोषणा !

कार्यालय प्रमुख मन्त्रीद्वारा अभिनन्दित !
स्वच्छ छविको विशेषणबाट विभूषित !
कार्यालय प्रमुख ‘मालदार’ विभागमा सरूवा !
धन्य कार्यालय प्रमुख !
स्वच्छ छविको कार्यालय प्रमुख !
सच्चा राष्ट्रसेवक— कार्यालय प्रमुख !!
गोरखा