नेपाली हास्यव्यङ्ग्य अनलाइन पत्रिका

धर्म–सँस्कृतिका लागि आजको दिन होली हुने
युवा–युवतीका लागि आजको दिन लोली हुने ।

फागु पूर्णिमा होली खेल्नु हाम्रो राम्रो संस्कारथ्यो,
उछृङ्खलहरूका लागि फोहोर खेल्ने खोली हुने ।

विकृतिमा नानारंगी फोहोर पानी घोली मोली,
अझै जोस बढ्दै जाँदा ढुङ्गामुढा गोली हुने ।

होली खेल्ने बाहानामा रुप लुगा ध्वङ्स बनाई,
योन तृष्णा मेट्ने जस्तो केटा–केटी जोली हुने ।

धर्म संस्कार यादै छैन मनलाग्दी गर्दै हिँड्ने,
वल्लो– पल्लो गाउँ गर्दै आतङ्कको टोली हुने ।

झगडा र खैलाबैला मद खाँदै माती हिँड्दा,
उन्कै लुगा कहिलेकहिँ त घाइते बोक्ने डोली हुने ।

एवं रीत देशैभरी फागु होली मनाउँदा,
पहाडमा आजै मान्दा तराईमा भोलि हुने ।
नलाङ, धादिङ