नेपाली हास्यव्यङ्ग्य अनलाइन पत्रिका

ओहो !
अचम्म भयो कस्तो ?
मानिस मानिस जस्तो छैन

मानिसलाई अह्राउने पो
ठूलो मान्छेजस्तो छ ।
कस्तो विडम्बना !
यस्तै हुने हो या
प्रभुत्ववादले नै
देशलाई
चौतर्फी तहसनहस गराउने हो !
भोलि कारिन्दाले
काम नगरे पनि
आश्चर्य मान्नु पर्ने छैन
किनकि यहाँ यस्तै तन्त्र मौलाएको छ

ओहो ! अचम्म कस्तो !
जुन तन्त्रलाई
न त फाल्न सकिन्छ
न त पाल्न नै सकिन्छ
टक्कर पनि कति–कति
हिजो नमान्नेले आज के मान्लान्
भोलिलाई त झन् के कुरा !

जमाना अर्कै भयो
लोकतन्त्र पनि थोत्रो भयो
गणतन्त्रले के बनायो
झन् बिगार्यो अनि भत्कायो
मानिस–मानिसमा फुट ल्यायो
कस्तो लोकतन्त्र आयो
तँभन्दा म के कम गरायो
यो कस्तो जमाना आयो
ठूलोलाई सानो बनायो
सानोलाई ठूलो गरायो
यो कस्तो स्वतन्त्रता आयो
तँभन्दा म के कम बनायो ।
काठमाडौं
२०७१।१।१७