नेपाली हास्यव्यङ्ग्य अनलाइन पत्रिका

धागो चुँड्दा छरिँदैछन्, सैयौँ फूलका थुंगाहरू
तिनै थुंगा कुल्चिएर, फुर्किँदैछन् जुंगाहरू ।

लाहुरेका बैँक एकाउण्टमा बचत घट्दै जाँदोरैछ
र पो झिल्के हुँदारछन् शहरभरका बुंगाहरू ?

जो गनिए बुद्धिजीवी, बम्किरन्छन् आफ्नै लागि
सोच्दैछु म सबका लागि, कैले बोल्छन् गुंगाहरू ।

कैलेसम्म झुट्टो जीवन जबर्जस्ती ज्युँछन् होला ?
सत्य सम्झी रुन्छन् कि त मन्दिरभित्र ढुंगाहरू

कस्तो होला यात्रा हाम्रो ? पुगिएला कहाँसम्म ?
किन तयार पारिँदैछन् थुप्रै साना डुंगाहरू ?
धादिङ