नेपाली हास्यव्यङ्ग्य अनलाइन पत्रिका

हामदार घुमे जम्मै, कामदार चुसी चुसी
मन्त्री– सांसदका लेखा, कामदार सबै ‘छुसी’ ।
बायोमेट्रिक् बहाना हो, भत्ता पड्काउने कुरा
सल्लाहकार खर्दार, बोके सांसदले भुरा ।। १।।

स्वास्नी साली सबै बोकी, घुम्न विदेश निस्किए
कल्याण–कोश मासेर, लुटेरा सब जिस्किए ।
लूटको तन्त्रमा कस्तो, लोकतन्त्र रमाउला
श्रमजीवी रुवाएर, नयाँ नेपाल आउला ? ।।२।।

विदेशी भूमिमा चर्को, श्रम—दाना बगाउने
उनैका नामको कोश, एम्पी भ्रस्ट भजाउने ।
यस्तो चर्तिकलाबाट, के प्रजातन्त्र आउला ?
संविधान कता बन्छ, बरु साँढे त ब्याउला ।। ३।।
धादिङबेँसी