पुरूषाेत्तम सिग्देलहोसियार साँढेहरू !
भाङ् खाएर मात्ने भोले छयाङ् पिएर ढल्न थाले
गौरीसँग खेल्ने भोले स्कट्नीसँग चल्न थाले ।
बाघको छाला फ्याँकेर चाइनिज सुट किन्छु भन्थे
भष्म लेप गर्ने शिव फिरेनलब्ली दल्न थाले ।
दारी खौरी सुट लगाई शिव अचेल हयान्डसम् भा’छन्
राम्रा मैया देखी भोले भित्रभित्रै जल्न थाले ।
शिव अचेल साँडा बनी नखाने चिज खाँदा र’छन्
गाँजा मात्र तान्ने शिव चरेश स्म्याक मल्न थाले ।
सैयौँ लभर भइसके’रे शिवजीका हिजो आज
डल्लीसँग डेटमा गई पार्वतीलाई छल्न थाले ।
काठमाडौँ–१४, कुलेश्वर
Subscribe
Login
0 Comments
Oldest
