सुदन लुइटेलगल्ती नै गल्ती भयो
संसार नै आफ्नो जस्तो ठान्नु नै पो गल्ती भयो
नभएकै सपनामा आशावादी बन्नु नै गल्ती भयो ।
जतिसुकै जाने पनि ठूलो बन्ने मान्छेको भीडमा
होला भन्ने आशाको डोरी बाँध्नु नै गल्ती भयो ।
छरिएका कनिकामा आफूलाई खोज्दै गर्दा
हलेदो जान्दाजान्दै कोट्याउनु नै गल्ती भयो ।
सम्झिएर आफूलाई सत्ययुगीन मान्छे
झुटका कुरा ठूलाका पत्याउनु नै गल्ती भयो ।
होला जस्तो लाग्थ्यो कुरा सबै सबै साँचा हुन्छन्
भन्छ विवश भन्या कुरा मान्नु नै गल्ती भयो ।
आँखिभुई– ८, संखुवासभा
Subscribe
Login
0 Comments
Oldest
