नेपाली हास्यव्यङ्ग्य अनलाइन पत्रिका

मेरो कविता र मेरी कवितामा
कति कति अन्तर भेटिन्छन् ?

मेरो कविता मलाई यथार्थ लेख्न सिकाउने
मेरी कविता मलाई यथार्थ छोप्न लगाउने ।
मेरो कविता मेरो मनको यथार्थ व्यथा
मेरी कविता मेरो जीवनको यथार्थ कथा ।

मेरो कविता जीवन पर्यन्त चलिरहने साथी
मेरी कविता ईश्वरले छोडेको रक्षक ममाथि ।
मेरो कविता सुख दुःखमा साथसाथ चलिरहने
मेरी कविता यथार्थ छोडी भावनामा बगिरहने ।

मेरो कविता मेरो सृजना अनि आत्म अभिमान
मेरी कविता मेरो सारथी अनि मेरो स्वाभिमान ।
मेरो कविता बोल्दैन तर गर्छ अनेक यात्रा
मेरी कविता खुशमा परी नत्र काली माता ।

मेरो कविता सुनाउन देखाउन सजिलै सकिने
मेरी कविता सुनाउँदा देखाउँदा आफूनै मासिने ।
मेरो कविता सत्य असत्य छुट्टाउन सक्ने
मेरी कविता यथार्थ सत्य पचाउन नसक्ने ।

मेरो कविता र मेरी कवितामा
कति कति अन्तर भेटिन्छन् ?
विराटनगर