नेपाली हास्यव्यङ्ग्य अनलाइन पत्रिका

कस्तो आयो जमाना, हाँसौ कि रोऔँ ?
कसरी हो बुझाउने यो मनलाई बेसी ?
कसरी पो छुट्याउने केटा हो कि केटी ?
दुवैले पालेका छन् केश लामो पारी
टिसर्ट र पाइन्टमा दुवै जोडाजोडी ।
कस्तो जमाना आयो….

केटा भन्छन् केटीभन्दा केमा कम छौँ हामी
लौ न हेर उनीहरूको कानमा टपको जोडी
केटी भन्छन् केटाभन्दा केमा कम छौँ हामी
सहर गल्ली घुम्न हिँड्छन् जिउ नाङ्गो पारी
कस्तो जमाना आयो….

स्वतन्त्रको परिभाषा बुझ्दै नबुझी
अधिकारको मात्र गर्छ जहिले पनि खोजी
लोकतन्त्र आको हैन भित्र्याउन विकृति
सजाय दिनुपर्छ बिगार्नेलाई हाम्रो संस्कृति ।
कस्तो जमाना आयो….
काठमाडौँ