नेपाली हास्यव्यङ्ग्य अनलाइन पत्रिका

हजारमा जोवान बेच्छन्
लाखमा धड्कन बेच्छन्
हरेक सामान बिक्री हुने अवस्था
मान्छेले घर–बारी बेच्छन्
बाख्रा बाँध्ने डोरी बेच्छन्
त्यति मात्रै कहाँ हो र !
प्राणप्यारी बेच्छन्
तपाईं मान्नोस् बेच्ने मान्छे धनी हुन्छ
त्यसैले बिहानै अखबार बेच्छन्
बिजुलीको तार बेच्छन्
मौका मात्रै पाउनु पर्छ
देश बनाउछु भन्ने सभासदले
सरकार बेच्छन्
फाइदाकै लागि त हो गर्ने भनेको
माना–पाथी बेच्छन्
सक्नेले जङ्गलको हात्ती बेच्छन्
नसक्नेले जीवन साथी बेच्छन्
स्वर्थी छ समय
मकै–भटमास बेच्छन्
कतिले भरोसा–विश्वास बेच्छन्
अनि बेच्छन्, कतिले
मधुमास बेच्छन् ।
जोगिमारा, धादिङ