नेपाली हास्यव्यङ्ग्य अनलाइन पत्रिका

नवराज श्रेष्ठ

सलमान को बर्थडेमा केक काट्छौँ
पृथ्वी जयन्तीको दिन कालो फेटा बान्छौँ
पार्लेजी किन्छौँ
नेबिको फ्याक्छौँ
तै पनि गौरवशाली नेपाली
हरिया पासपोर्ट उचाली
क्यावात कर्ता है
भारी बोक्न मलेसिया जान्छौँ
घाँस काँटन कतार जान्छौँ
गोलभेंडा रोप्न कोरिया जान्छौँ
त्यसरी पठाएको पैसाले
पिजा र बर्गर खान्छौँ
तै पनि भनी रहन्छौँ
स्वभिमानी नेपाली
बाटो खन्न भिख माग्ने
अस्पताल बनाउन भिख माग्ने
स्कुल खोल्न भिख माग्ने
ए जनता-जनार्दन
कहिले जाग्ने ?
फेरि पनि भन्दै छौँ
सार्बभौमसत्ता नेपाली
भ्रष्टाचारको कुरा नगर
न्यायको कुरा नगर
बिकास को कुरा नगर
बस्
लगे रहो मुन्ना भाइ
हामी नेपाली
कमसे कम
सहि र गलत छुट्याउन
पटक्कै नसक्ने
हामी कति सक्षम छौँ
कति समृद्ध छौँ ?

धादिङ