नेपाली हास्यव्यङ्ग्य अनलाइन पत्रिका

आफ्नै सचिव आफ्नै
निर्देशक र जिएम
सबै मन्त्रीको यहाँ
आ–आफ्नै नियम

बिजुली मन्त्री छन्
बिजुली नै छैन
च्याउ झैँ मेडिकल कलेज
ठेकेदार नेताको चयन

ठिङ्ग मन्त्रालय नेपालमा
भिसा प्रोसेसिङ विदेशमा
स्वदेशका सूचना बेच्ने भए
कमिसनै कमिसनको ऐशमा

मालअड्डाका कर्मचारी
र मन्त्रीको जुहारी
जस्तै १२ घण्टे शोषणमा
दलिएकी बुहारी

जनशक्ति लखेट्ने मन्त्रीहरूको
कन्सल्ट्यान्सी र म्यानपावर
सहकारीको नाममा राजनीति
राजनीतिमा देश डुबाउने व्यापार
उपाध्यक्ष, अनेसास लस एन्जेलस च्याप्टर
लस एन्जेलस