नेपाली हास्यव्यङ्ग्य अनलाइन पत्रिका

सबथोक छ
रेशमकुमार सुनुवार
के छैन यो देशमा
जनतालाई दाम छैन
काम छैन
माम छैन त के भो
सर्वत्र पीडा र शोक छ
अनगिन्ती रोग छ
सवै कुराको अभाव
अनि गरिवी र भोक छ
नेपाललाई सिङ्गापुर बनाउने नाममा
झिँगापुर बनाउने होड छ
के छैन यहाँ
सबथोक छ ।

लाटो देशमा गाँडो तन्नेरी
आहा नेताको भाषण
कति बेजोड छ
यो शहर अनि नगरमा
फोहोरको पहाड
अनि गन्धे चोक छ
बिजुली नभए के भो
तेल नभए के भो
सिङ्गो आयोजनाका रकम चपाउन सक्ने
अजङ्गका नेताहरू बस्ने
धर्ती लोक छ
भए सबै सोहोर्छ
नपाए कमजोरले बलियोलाई
सत्ताचुरले ठोक्छ
ओहो क्या छैन यहाँ
सबथोक छ ।
हाल, काठमाडौँ