नेपाली हास्यव्यङ्ग्य अनलाइन पत्रिका

एकखिल्ली चुरोट र एकबोतल रक्सीका लागि
म जङ्गल गएँ
दुर्भाग्य !
जङ्गलले नै खाएछ
र, चुपचाप ठिङ्ग उभिएछ ।
हो मैले त्यही जङ्गलसँग
विद्रोह गरेँ
तर पनि दुर्भाग्य
श्यालले फाइदा लिएछ
र, सहर छिरेछ
र पनि म थाकिन,
गलिन,
र, हारिन
मैले सहरसँग नै विद्रोह गरेँ
फेरि दुर्भाग्य
सहर सिंहदरबार छिरेछ ।
सायद यो अन्तिम दुर्भाग्य,
सिंहदरबार दिल्ली छिर्न खोज्दैछ !
अब म के गरौँ ?
काठमाडौं