नेपाली हास्यव्यङ्ग्य अनलाइन पत्रिका

जीवन सार्थक, निरर्थक, अर्थपूर्ण र व्यर्थपुर्ण हुन्छन् यो सत्य हो । धेरैको जीवन सार्थक हुन्छन् । कतिको जीवन निरर्थक अथवा व्यर्थपूर्ण हुन्छ । सार्थक वा अर्थपूर्ण जीवनको लागि त्यो जीवनले एक न एक पटक गैंडालाई देखेकै हुनुपर्छ । यो मेरो भनाई होइन । यो भनाई एक जीवनविज्ञ राजनैतिक अगुवाको भनाई हो, भन्दा पनि हो रे भनुम । किनभने यो भनाई मैले प्रत्यक्ष सुन्या हैन एउटा मिडियाले भिडियो सहितको समाचार राख्या हेरेर थाहा पाएको हो । ती नेताका अनुसार नेपालमा संविधान बनाउने विषयमा चार दलले गरेको अभूतपूर्व एवं ऐतिहासिक १६ बुँदे सम्झौता एउटा यस्तो सम्झौता हो जुन गैंडा समान छ । गैंडा समान यस अर्थमा छ कि गैंडाको शरीरमा गोली हाने पनि छेडिँदैन ।

गैंडा नेपालमा मात्र पाइन्छ रे उहाँका अनुसार ! त्यसैले विदेशीहरू गैंडा हेर्न नेपाल नै आउनु पर्छ । नेपाल नआए उनीहरूले गैंडा देख्दैनन् र तिनको जीवन व्यर्थ हुन्छ । गैंडा नहेरे के गर्ने डलर खाने कि पाउण्ड खाने ? जीवनलाई सार्थक पार्न गैंडा हेर्नु अपरिहार्य छ । विदेशीहरू गैंडालाई राईनो भन्छन् । हैन तिनीहरूको गैंडासँग के साईनो छ र राईनो भन्नलाई ? यसलाई सुद्ध नेपालीमा गैंडा भन्नुपर्छ ।

गैंडा कस्तो हुन्छ भन्ने थाहा नपाए दिपक गिरीको तितोसत्य हेर्ने अनि गैंडाको अनुभूति गर्ने । त्यसपछि सक्कली गैंडा हेर्न चितवन राष्ट्रिय निकुञ्ज जाने । नेताजीले गैंडाको पुनरदर्शन गर्न गतसालको चैत्र मसान्तमा धरहरा समेत चढेका थिए, नयाँ सालको स्वागत गर्ने बहानामा । धरहरा चढेर दक्षिण दर्शन ग¥या थिए रे सायद गैंडाको दर्शन पाए होलान् । दुःखको कुरा अब उक्त धरहरा हामी माझ छैन । नयाँ साल सुरु हुने वित्तिकै भूकम्प पापीले बैशाख १२ मै भाँचिदियो ।

प्रत्येक नेपालीले गैंडा चिन्नु अनिवार्य छ किन कि गैंडा रुपियाँमा पनि छापिएको छ । दश गैंडा बराबर एक हात्ती हुन्छ । हिसावले त हात्ती गैंडा भन्दा ठूलो हो तर चर्चा गैंडाबाटै सुरु हुन्छ । गंैडा गैंडा मिलेर हात्ती बन्छ अनि हात्ती हात्ती मिलेर जीवनसाथी ! अनि भएन त जीवन सार्थक ? कुरो त बुझ्नु प¥यो नि । नेताज्यूको गैंडा बखानले पत्रकार मित्रहरूले खै के बुझे थाहा छैन तर मैले चाहिँ १३ आना २ दाम बुझें बाँकी २ आना २ दाम बिस्तारै बुझिएला कि ।
काठमाडौं