नेपाली हास्यव्यङ्ग्य अनलाइन पत्रिका

प्रेम ओली
पोहर दशको माल
आहिले बिस पर्ने भएछ
तिम्रो तलब भत्ताले
मान्छे नै मर्ने भएछ
देशमा सरकार छैन जस्तो
हैन ए जुठेका बा
यो के भाको यस्तो !

पोहर भन्दा आलुको भाउ
दोब्बर बढेछ
नुनतेलको झन के कुरा
सगरमाथै चढेछ
तिम्रो तलबले त
भात खाने कि तरकारी खाने ?
अब तिमी मात्र बस सहरमा
हामी त माइतै जाने
देसमा जनप्रतिनिधी नभाको जस्तो
हैन ए जुठेका बा
यो समय के भाको यस्तो !!

जुठो खाको पैसोले
छोराको फी ति¥या छु
तिम्रो तलबले नपुगेर
म पनि काममा हिँड्या छु
सुन्तलाको भाउ सुन जस्तो
मासु खाने कुरो जून जस्तो
देशले सरकार नपाको जस्तो
हैन ए जुठेका बा
यो कलियुग के भाको यस्तो !!

मूल्य तिराउँछन् सक्कली
माल दिन्छन् नक्कली
चामल नक्कली दाल नक्कली
चम्चा नक्कली थाल नक्कली
मिठाइ नक्कली मासु नक्कली
हुँदा हुँदा सरकारको आँसु नक्कली
अब तिम्रो तलबले
ग्यास किन्ने कि पानी किन्ने
कि तिमी पनि गाउँ नै हिंड्ने ?
जनताको सकार नभाको जस्तो
हैन ए जुठेका बा
यो देशमा के भाको यस्तो !!
दाङ– हाल काठमाडौं