नेपाली हास्यव्यङ्ग्य अनलाइन पत्रिका

हे प्रभो !

मन्दिरमा एक भक्त
गर्दै थियो प्रार्थना
हे भगवान– जन जनको पीर हर,
सबैको तिजोरी धन दौलतले भर,
थप अनुरोध यतिनै छ प्रभो !
शुरुवात मबाट गर ।

हावा र हाकिम

हावा र हाकिम
थाहा नै नहुने
कुन बेला जाने–कुन बेला आउने,
दुवैको एउटै बानी,
फाइल भेट्दै पाना पल्टाउने ।

एटीएम र बज्जै

एटीएम मेसिन
किन यस्तो चिच्यायो ?
कारण एउटै थियो,
इन्टर योर पिन पढ्दै
कार्डको सट्टा बज्जैले
कपालको पिन छिरायो ।

माया गर्ने बुद्धि

जिज्ञासा राखियो कि
बिहे गरेर माया गर्ने कि
माया गरेर बिहे गर्ने ?
जवाफ फर्काइयो
बिहे गरेर माया गर्दा हुने
तर श्रीमतीले थाहा
पाउनु न पर्ने ।
विराटनगर