नेपाली हास्यव्यङ्ग्य अनलाइन पत्रिका

संविधान त बन्छ कि क्या !! तर त्यस्मा खोट जस्तो
मान्ने–मनाउने गति विदेशीको नोट जस्तो ।

जस्तो तस्तो बनाउँ अब नत्र हाम्लाई लाज हुन्छ
भन्दै बनाउँदा बन्यो उन्कै पेटीकोट जस्तो ।

जनपेक्षा समेटेन न त विवाद टुङ्गो लाग्यो !
गुणस्तरको छैन क्यार ! कपडाको घोट जस्तो ।

दीर्घकाल शान्ति छाउने विकासको गति दिने
हुन्न क्यार ! हेर्दा मात्रै ठूलो एअर्पोट जस्तो ।

सहमति हुन्थ्यो या त हुँदैनथ्यो शंका लाग्छ
मिल्न बाध्य पार्ने शक्ति भूकम्पको चोट जस्तो ।
नलाङ–७ बैरेनी, धादिङ