नेपाली हास्यव्यङ्ग्य अनलाइन पत्रिका

एक दिन मोबाइलमा
एउटा मेसेज आयो
छोरोले त जिल खायो
दाइ तपाईं मलाई चिन्नु हुन्न
हाम्रो भेट अस्ती भाको हो
त्यसैबेला नम्बर नि पाको हो
तपाईंसङ्ग धन छ
मसङ्ग पनि सुन्दर तन छ
घरकै मुला कति खानु हुन्छ
बाहिरको मुला पनि काट्नुस् न
हामी पनि रमाइलै मान्छे हो
यसो माया पिरती नि साट्नुस् न
कुरो सोच्दै जाँदा
हाम्रो भेट डान्सबारमा भाको रहेछ
रक्सीमो झोंकम नम्बर दिँदा
उसकै मेसेज आको रहेछ ।

उसको कुरो मनासिबै लाग्यो
मनमा पनि तलतल जाग्यो
लौ त नि भन्दै आँटिदिएँ
बुढीलाई पनि
सेमिनार भन्दै ढाँटिदिएँ
तन मन धन मिलेपछि
दुई चार दिन उतै काटी दिएँ
उनले भने जस्तै
माया प्रिती पनि साटी दिएँ ।
केही महिनापछि
फेरि मेसेज आयो
दाइ सरकारले एक्सन लिएपछि
पुलिसले दुख दिएपछि
म त आजभोलि
हाइवेतिर आको छु
यता खासै ग्राहक पनि नपाउने
पाइहाले पनि गाँठिस्ट नपाउने
यतै आउनुहोस्
म पनि फुर्सदिली भाको छु ।
जे परे पर्ला
छोरोले एक दिन भए पनि
मोज गर्ला
गाडी लिएरै जान कस्सियो
दुइचार दिन उतै
ससुरालीमा झै बसियो ।

के वर्षपछि
फेरि उनको मेसेज आयो
यसपाली उनको खबरले
अलिक चिन्ता छायो
दाइ हाइवेमा पनि
पुलिसले पुर्जी काटेपछि
प्रशासनले पनि डाटेपछि
देशकै सिमा काटी
खासातिर आको छु
पेट त पाल्नै पर्यो
रोजी रोटी नभएपछि
सिमा पारि धाको छु
नेपाली केटी भनेपछि
भोटे पनि दङ्गै हुने
खास्साकै ग्राहक पाको छु ।
सरकारले नविदेशिने चन्दालाई रोक्यो
न उसको धन्दालाई रोक्यो
त्यसपछि त चन्दाको
कुनै मेसेज आको छैन
कत पुगी फेरि
केही थाह पाको छैन ।
दाङ, हाल काठमाडौं