नेपाली हास्यव्यङ्ग्य अनलाइन पत्रिका

१.बुद्धिमा कुबुद्धि

मन्दिरमा एक भक्त
गर्दै थियो प्रार्थना
हे भगवान–जन जनको पीर हर,
सबैको ढिकुटी धन दौलतले भर,
अनुरोध यतिनै छ प्रभो!
शुरुवात म बाट गर ।

२.हावा र हाकिम

हावा र हाकिम
थाहा नै न हुने
फरर्र जाने– फरर आउने,
दुवैको एउटै बानी,
फाइल भेट्दै,
पाना पल्टाउने ।

३. एटीएम र बज्जै

एटीएम मेसिन
किन यस्तो ? चिच्यायो
कारण एउटै थियो,
इन्टर योर पिन पढ्दै
कार्डको सट्टा बज्जैले
कपालको पिन छिरायो ।

४. लुगा नधुने– लोग्ने धुने

जिज्ञासा राखियो कि
बिहे गरेर माया गर्ने कि
माया गरेर बिहे गर्ने ?
जवाफ फर्काइयो
बिहे गरेर माया गर्दा हुने
तर श्रीमतीले थाहा
पाउनु नपर्ने,
थाहा पाए श्रीमतीले
लुगा नधुने– लोग्ने धुने ।
विराटनगर