नेपाली हास्यव्यङ्ग्य अनलाइन पत्रिका

तिमीले ‘म’लाई नचिन्नुमा तिम्रो दोष होईन
तिमीले ‘म’लाई नगन्नुमा तिम्रो दोष होईन ।

गाउँबाट शहर पसी, केही जान्ने भयौ तिमी
घमण्डले फुर्की मात्तिनुमा तिम्रो दोष होईन ।

‘साम–दाम’ मै आफ्नो नामको प्रचार गराउँंदै
घमण्डले मतान्धो हुनुमा तिम्रो दोष होईन ।

‘धन सिं’ तिम्रो नाम, दरिद्रताका धनी भयौ
‘लाश’ कै दाममा झम्टिनुमा तिम्रो दोष होईन ।

‘घर’कीलाई छायाँमा राखी, बाहिर दायाँ बायाँ
‘पराई’का नाम उकास्नुमा तिम्रो दोष होईन ।

सँधै एकै हुन्न ’समय’, सिकाउँछ प्रकृतिले
प्रकृतिको संदेश नकार्नुमा तिम्रो दोष होईन ।

भेदभाव पूर्ण व्यवहार, तिम्रो परिवेशमा
’त्याँ’ ’मेरो’नाम छुटाउनुमा तिम्रो दोष होईन ।

तिमीले ‘म’लाई नचिन्नुमा, तिम्रो दोष होईन
तिमीले ‘म’लाई नगन्नुमा, तिम्रो दोष होईन ।
ज्ञानेश्वर