डिल्लीप्रसाद मूलतिहुनअखबार
पोथी कुखुरीले रछ्यान खोस्रिए जस्तो
सँधै सिंहदरबार खोस्रिएर
आउने गथ्र्यो अखबार
थाहा छैन
सँधै हत्या र हिंसाको समाचार ल्याउने अखबार
किन आज रित्तै आएको छ ?
हिजो त्यही अखबारमा
नेता विदेश उडेको समाचार छापिएको थियो ।
‘नेतिनी साप’ले रामेलाई माथि बोलाउँदा
किन सम्झन्छ उसले–
गाउँको पातालमा कराउने ढुकुर जोडीलाई
र, गुनगुनाउँछ–
ढुकुरऽ कुर, ढुकुरऽ कुर … !
तर पनि अखबार रित्तो छ ।
काठमाडौं
