नेपाली हास्यव्यङ्ग्य अनलाइन पत्रिका

विदेश जाने चक्करमा
खानु खाइयो ठक्कर
वाह पास भएपछि
कन्सल्ट्यान्टमा रिजल्ट देखायो
कन्सल्ट्यान्टले पनि भन्यो
ल यो भाइले
छात्रबृति त पायो पायो
भिसा पनि पक्का आयो ।
कन्सल्ट्यान्टले त्यति भनेपछी
आमालाई कनाइयो
बुवालाई मनाइयो
कागजात बनाउन भिडियो
कहिले गाविस हिँडियो
कहिले नगरपालिका छिरियो
अडिटर फी, ट्रान्सलेसन फी
ड्राइभिङ शुल्क, कुक तालिम
कति तिरियो तिरियो
सबै काम भएपछि
एक दिन अन्तरवार्ता दिन
दूताबास छिरियो
के दिन्थ्यो भिसा
हिस्स बुढी खिस्स
कागजात हल्लाउँदै फिरियो ।

फेरि कन्सल्ट्यान्टले भन्यो
ल आउनुहोस् यता
जापानतिर पठाउँछु
जसरी हुन्छ तपाईंलाई
भिसा दिलाएर उडाउँछु
यो कागजात बनाइयो
त्यो कागजात बनाइयो
रिसाएका बा आमालाई
बल्ल बल्ल मनाइयो
अली अली भाको पैसो
विदेशलाई खनाइयो ।

आउला आउला भनेको भिसा
फेरि भयो त्यही खिस्सा
त्यो पापीले पनि डुबायो
यो पापीले पनि डुबायो
बिदेश जाने चक्करले
रुवाउनुसम्म रुवायो ।
यसै ऋण उसै ऋण
बुढी भैंसी भए नि किन
फेरि ऋण काढेर
हिजोआज मलेसिया आको छु
बाँकी कुरो के भनुँ
यता पनि बिदेशमा कस्तो दुःख पाको छु ।

दाङ, हाल काठमाडौं