नेपाली हास्यव्यङ्ग्य अनलाइन पत्रिका

सरकारी नियम काइदैको छ
पुरुष हुनु भन्दा त अचेल
महिला भएकै फाइदोको छ ।
आरक्षणको पनि पाइन्छ
खुल्लाको पाइन्छ
यो भन्दा महिला अब के चाहिन्छ ।
अझ बस चढेको बेला
पिन्ड खान आँटेको तन्नेरीलाई पनि
झ्याप्प मुस्कानले हान्नुस् त
अनि हेर्नुस् न
कसरी बाटो छोड्छ
अधबैसे डुडोलाई पनि
च्याप्प हात समाएर तान्नुस् त
आफू बसेको सिट पनि
कसरी छोड्छ
हाँस्ने कला पनि काइदोकै छ
महिला हुनु फाइदोकै छ ।

एउटा बुढोले
तरुनीलाई मुस्कान दियो भने
के उसले सिट छोड्छे
मात्तेको बुढो भन्दै
उल्टो आँखा तर्छे ।
अधबैसे महिला किन नहोस्
एउटा युवा मुस्कायो भने
मात्तेको ढाडे भन्दै घुर्छे
केको बाटो झन छोड्छे
बसमा पनि महिला सिट
सरकारको नियम काइदैको छ
महिला भको पनि फाइदोकै छ ।

एउटा युवालाई झननन हुने गरी
मुस्कानको बान ठोक्नुस् त
ड्याम्मै ढल्छ
कर्कलो जस्तो फत्रक्कै गल्छ
उठ् भने उठ्छ
बस् भनेपछि बस्छ
ट्राइे गरेर त हेर्नुस्
पुरुष कसरी फस्छ ।

जिएम होस् कि मन्त्री
ब्यापारी होस् कि सन्त्री
फननन हुने गरी
मुस्कानको गोली ठोक्नुस् त
तोरिकै फुल देख्छ
तपाईंको अगाडि
घपलक्क भएर घुँडा टेक्छ
तर त्यही युवक
तपाईंसङ्ग जिस्कियोस् त
त्यसले मामा घर नै देख्छ
हाकिम पनि तपाईंसँग मस्कियोस् त
पत्रिकाले पायो भने
ठुल ठुला अक्षरले लेख्छ
सरकारको नियम काइदोकै छ
महिला भाको पनि फाइदोकै छ ।

दाङ, हाल  काठमाडौं