वासुदेव पाण्डेयबस्छ जो स्याल भै
बस्छ जो स्याल भै बाघको खोलमा
खोज्छ चोक्टा उही पौडिई झोलमा ।
देशको अस्मिता आँच पुग्ने कुरा
प्रस्ट नै देखियो गीतको बोलमा ।
देख्छ के गाउँको रोग यो राज्यले
जिन्दगी बाँच्न खोज्छन् सिटामोलमा ।
तेलको आश के गर्नु खै व्यर्थमा
‘बालुवा’ पेलिएको भए कोलमा ।
बन्द नाका सबै ठप्प भो दैनिकी
कोर्नु के भावना त्रस्त माहोलमा ।
हाल, सुर्खेत
Subscribe
Login
0 Comments
Oldest
