नेपाली हास्यव्यङ्ग्य अनलाइन पत्रिका

सरकारले भ्रस्टाचार हटाउँछ कि ! आशा गरौं ।
अभाव र महँगीलाई घटाउँछ कि ! आशा गरौं ।

आन्दोलन र द्वन्द बढ्दा अशान्तिले जरा गाड्यो !!
आन्दोलन र नाकाबन्दी पटाउँछ कि ! आशा गरौं ।

घुसखोरी ढिलासुस्ती न्याय हराएको बेला !
जनसेवी कर्मचारी खटाउँछ कि ! आशा गरौं ।

लुटपाट गुण्डागर्दी चोरी तस्करी बेसरी !
अब गुण्डा डनलाई ठटाउँछ कि ! आशा गरौं ।

सामन्तको स्संस्कारले समाजवाद छेकिराछ !
सामन्तीलाई अब धुलो चटाउँछ कि ! आशा गरौं ।

संविधान त बन्यो अझै कानुन राम्रो बन्न सके !
दुखी जनतालाई सुख कटाउँछ कि ! आशा गरौं ।

अल्छी बने जनत नि कमाइ भन्दा खर्च ठूलो !
स्वाबलम्बी बन्न जन्ता तताउँछ कि ! आशा गरौं ।

यतिन्जेल भ्रमजाल र षडयन्त्रमा देश डुब्यो !
सरकार अब सही कुरो बताउँछ कि ! आशा गरौं ।

नलाङ-७, बैरेनी, धादिङ