नेपाली हास्यव्यङ्ग्य अनलाइन पत्रिका

जाली छिमेकी तिमीले छकायौ
नाका थुनी देश निकै दुखायौ ।

लाग्यौ यहाँ जे पनि गर्छु भन्दै
यो देश विर्ता सरि पो बनायौ ।

बोली छ यौटा तर काम अर्कै
हाम्रा कुरामा किन हो करायौ ?

भाँड्यौ फकाएर मधेस हाम्रो
स्वतन्त्रता माथि खुँडा चलायौ ।

पुग्दैन स्वार्थी मनसाय तिम्रो
बेकार झुट्टा सपना सजायौ ।

थियो मितेरी शतकौँ पुरानो
दम्भी हुनाले अहिले टुटायौ ।

दुर्योधनैको छ चरित्र तिम्रो
ज्यानै लिने व्यूह खुदै रचायौ ।

स्वतन्त्र नेपाल झुकेन कैले
झुक्दैन ऐले पनि के चितायौ ?

पुरानो नैकाप, काठमाडौँ
हाल : न्युयोर्क, अमेरिका