धनराज गिरीमान्दैनन् यी लाज
पुरै देश दलालले घेरेको छ आज !
नेपाली हौँ भन्न पनि मान्दैनन् यी लाज ।
जोगाउनू चल्लाहरू हे नेपाली आमा
ढुकी मौका बसेको छ आततायी बाज ।
तलदेखि माथिसम्म उस्तै नकच्चरा
यिनै खोज्छन ठूलो भाग अनि शरताज ।
सफा गरौँ समयमै जालो माकुराको
यही हाम्रो कर्तव्य हो धर्म सही काज ।
यसैगरी पराइको नाचे इशारामा
हुन्छन् जोगी भविष्यमा सारा ‘धनराज’ ।
चितवन
Subscribe
Login
0 Comments
Oldest
