पुरूषाेत्तम सिग्देलबेकामका यी मनुवाहरू
रुन्छन् अनि रुवाउँछन् बेकामका मनुवाहरू
बिना अर्थ गन्गनाउँछन् बेकामका मनुवाहरू ।
बुझ्नु सुझ्नु केही छैन कुर्र्सीमै तानातान
हावामै देश चलाउँछन् बेकामका मनुवाहरू ।
बर्सेनि यहाँ रगत बग्छ यो देशको नाउँमा
हेर्छन् सबै रमाउँछन बेकामका मनुवाहरू ।
भोक भोकै रुदैछन् धेरै यी गरिब सडकमा
उता कुर्सीमा अघाउँछन् बेकामका मनुवाहरू ।
म पनि, तिमी पनि सबै गरिखाने नाउँमा
पासपोर्ट नै देखाउँछन् बेकामका मनुवाहरू !!
फुएतप्पा– ५, इलाम
हाल : इन्छन कोरिया
Subscribe
Login
0 Comments
Oldest
