मरुभूमि नारायणमिडियाले
नाङ्ग्यौ नानु नगरीमा चर्चा पायो मिडियाले
चोक गल्ली जङ्गलमा पर्चा पायो मिडियाले ।
किन्नु पर्ने महँगोमा खानु पर्ने लुकी–लुकी
खडेरीमा उन्मत्तको वर्षा पायो मिडियाले ।
औंठा छाप ल्याप्चे छाप जे खोजे नि पाइने
स्थलमा प्रमाण रूपी धर्सा पायो मिडियाले ।
कुन दिनसम्म तराई उसैको हुने हो कि ?
खोज्दा यौटा जिल्ला पर्सा पायो मिडियाले ।
करोडौंमा बिक्ने त्यो ज्यानमा जोश उठ्ने
हँसिया हानाहानमा यार्सा पायो मिडियाले ।
तनहुँ
