नेपाली हास्यव्यङ्ग्य अनलाइन पत्रिका

नाम थर वतन र धर्म पनि नेता ।
काम मेरो पेन्डुलम गर्छु यता उता ।।

भ्रष्टाचारी बलात्कारी अत्याचारी हत्यारा ।
अगिपछि लगाई हिँड्छु तिनकै बनी सरदार ।।

ज्यूँदो जाग्दो आशलाग्दो ठानिदिन्छन् धन्ने ।
चरालेभैmँ नचिनेर बुख्याँचा हो भन्ने ।।

मेरा सङ्गतले मान्छे रहँदैन सचेत ।
मैले छोइदिए पछि हुन्छ देशै विचेत ।।

हल्लाइराख्छु भुलाइराख्छु नचाइराख्छु जनता ।
जुग जुग बिताइदिन्छु यसैगरी अनि त ।।

कालो कोट कालो चस्मा कालै मेरो फेटा ।
खाने दाँत सिवाय हुन्नन् केही सेता ।।

मासु मेरो प्रिय भोजन अझ बढी काँचो ।
व्रतखण्ड भए पनि बताइदिएँ साँचो ।।

काठमाडौं