नेपाली हास्यव्यङ्ग्य अनलाइन पत्रिका

के टन्न धन हुनुपर्यो
के शक्ति शाली हुनुपर्यो
नत्र सर्वसाधारणलाई त
कहिले पानीको अभाव
कहिले खानेको अभाव
कहिले क्यासको अभाब
हुदाँ हुदाँ हेर त
आजकाल त झन
भात पकाउने ग्यासको अभाव
धन र शक्ति हुनेहरूलाई त यहाँ
सधै कबाबै कबाब ।

सर्वसाधारण विचरा
आज आउँछ की भन्दै दिन भर लाइन बस्यो
लाइन बसे पछि के ग्यास आउँदै आउँदैन
आयो भने पनि सर्वसाधारणले पाउँदै पाउँदैन
पैसो छ भने भन्नुस् न
तपाईलाई के के चाहिन्छ
ब्ल्याक किन्न सक्नुहुन्छ भने
ग्यास पेट्रोल जति नि पाइन्छ
एकातिर
तपाई हामी चर्को मुल्यमा परेर
कालोबजारीमा मालामाल छ
अर्कोतिर
मन्त्री, सचिव जियमको घरमा
ग्यास पेट्रोल फालाफाल छ ।

भूकम्पले हान्दा पनि जनता मर्ने
आन्दोलनले तान्दा पनि जनता पर्ने
पुलिसको बन्दुकले पनि जनता मर्ने
मोदीले नाकाबन्दी पनि जनतालाई गर्ने
हैन ऐ गाँठे !
यो जनताको दुर्दशा कहिलो होला टर्ने ?

दाङ, हाल काठमाडौं