नेपाली हास्यव्यङ्ग्य अनलाइन पत्रिका

न त महादेव हुन्छन् न त रामहरू हुन्छन्
तैपनि यहाँ गल्लि गल्लिमा धामहरू हुन्छन्

उसको श्रृंगार भद्दा हुनुमा पनि कारण छ
कतै छोप्नैपर्ने केही नीलडामहरू हुन्छन्

यता जवाफ कुरेरै मरेका प्रेमीहरू छन्
हुलाकमा ठेगाना मेटिएका खामहरू हुन्छन्

शहर त रातभरि नै जागिरहेको हुन्छ
रातिमात्र गर्नुपर्ने विशेष कामहरू हुन्छन्

तिमी घामले पोल्छ भनेर प्याच्च नभन्नु
नपोल्ने पनि करोडौँ घामहरू हुन्छन्

यो शहरजति अनौठो केहि पनि लाग्दैन
इन्धन अभावमै ट्राफिक जामहरू हुन्छन् ।