वासुदेव पाण्डेयभर्छ नेता भुँडी
अन्नको भूमिका प्रस्ट भो भोकमा
वेदको मर्म को बुझ्छ खै झोकमा ।
प्रश्न गर्छौ तिमी अस्मितामाथि नै
हो अँध्यारो कहाँ टिक्छ आलोकमा ।
छन् गफाडी बढी काम गर्ने कमै
व्यर्थका योजना बन्दछन् चोकमा ।
एकको वेदना हुन्छ साझा कहाँ
शत्रु मात्रै खुसी, शत्रुको शोकमा ।
भर्छ नेता भुँडी राज्यका कोषले
देशवासी लुटिन्छन् सबैथोकमा ।
सुर्खेत
Subscribe
Login
0 Comments
Oldest
