रमेश समर्थनयो देश खाली हुने भो
न मेची हुने भो न काली हुने भो
बडो दुःख यो देश खाली हुने भो ।
लगाएर आफै बगैँचा उजाड्ने
यसै देशको हेर माली हुने भो ।
निमोठ्ने चिमोट्ने र चाट्नेहरूको
यहाँ भोलि हाली मुहाली हुने भो ।
न नेपाल सिङ्गो हुने छाँट नै छ
मधेसी पहाडी हिमाली हुने भो ।
गयो प्रेम सद्भाव विश्वास हाम्रो
र बाकी सबैलाई गाली हुने भो ।
भयो खेल कस्तो नबुझ्ने कसैले
न घर नै हुने भो न पाली हुने भो ।
न ता शान्तिले बाँच्न सक्ने छ कोही
न ता ओठमा स्निग्ध लाली हुने भो ।
चन्द्रनिगाहपुर, रौतहट
Subscribe
Login
0 Comments
Oldest
