जीवनपानीजिन्दगीका रङ्गहरू
छेपाराको छालाजस्तै, जिन्दगीका रङ्गहरू
कैले गाढा कैले फिक्का, चुनौतीका रङ्गहरू ।
‘दीर्घायूको कामना छ, सुस्वास्थ्यको कामना छ’,
यसो भन्दाभन्दै उडे, औषधीका रङ्गहरू ।
विचारले पढाएका, पाठहरू सिक्दैजाँदा
सम्झिएछ जवानीले, अगाडिका रङ्गहरू ।
हिजो अस्तिजस्तै आज, भोलि उस्तै रह्यो भने
सिद्धिनेछन् सप्तरङ्गी, ईन्द्रेनीका रङ्गहरू ।
आदिदिखि अनादिको, इतिहास पल्टाउँदा,
यौटै रैछन् राजाराम भण्डारीका रङ्गहरू ।
Subscribe
Login
0 Comments
Oldest
