नेपाली हास्यव्यङ्ग्य अनलाइन पत्रिका

राष्ट्रप्रेम

देश बँचेमात्र देशवासी रहन्छन्
भाषा रहेमात्र भाषाभाषी कहिन्छन्
खबरदार ! देशको नक्सा तानातान नगर
राष्ट्रप्रेम त हृदयमा पो समेटिन्छन् ।

लोकतन्त्र –१

हाम्रा नेतालाई प्रजातन्त्रमा बहार छ
कार्यकर्तालाई दगुर्दैमा पहाड छ
कर्मचारीले खाइसकेको यो देश
जता हेर्यो उतै उजाडै उजाड छ ।

लोकतन्त्र –२

हुनेलाई मस्ती
नहुनेलाई सास्ती
गोप, रेडियो र
टेलिभिजनका
मान्छे उनै हुन्
बानी तिनै हुन्
साँच्चै प्रजातन्त्र त
पुरानो बोतलमा
नयाँ रक्सीजस्तो पो छ !

ठेक्का दिऊँ

जनता गरिबीको समुद्र तर्न
गतिलो नाउको खोजी गर्छ,
नेता स्वार्थ पूर्तिका लागि
सधैँ चुनावको रोजी गर्छ,
चुनावसुनाव भाँडमा जाओस्
देश बिदेशीलाई दिउँ ठेक्का
गरे उसैले विकास गर्छ
नगरे मन मौजी गर्छ ।

मन्थली, रामेछाप