नेपाली हास्यव्यङ्ग्य अनलाइन पत्रिका

कत्रो वर्ष कुरेर
बल्ल बल्ल मन्त्री भएर आइयो
सदस्य सचिवज्यू
सभन्दा पहिला
तपाईकै राजिनामा चाहियो ।

तपाईलाई हटाउँछु भनी
अर्कोसँग पार्टी नै खाइयो
अरु कुरा केही जानिँदैन
सदस्य सचिवज्यू
जसरी हुन्छ यो हप्ताभित्र
तपाईंको राजिनामा चाहियो ।

तपाईंलाई फालेर
त्यो ठाउँमा अर्कोलाई छिटो छिटो हालेर
दुई चार लाख दाम कमाउनु प¥यो
सहयात्री सबैले कमाई सके
आफूले पनि दुईचार करोड समाउनु प¥यो
कि अर्कोले दिन्छु भनेको पचास लाख
तपाईंबाट नै लिनु प¥यो
नत्र सदस्य सचिवज्यू
भोलिसम्म राजिनामा दिनु प¥यो ।

हामी पनि कसैलाई
दुई चार लाख दिएर आको हो
त्यो पनि यो मन्त्रालय त
बल्ल बल्ल पाको हो
मन्त्री भएकै दिन
तपाईंलाई नै टार्गेट बनाई आइयो
सदस्य सचिवज्यू
चाँडो भन्दा चाँडो
तपाईंको राजिनामा चाहियो ।

अघिल्लो सरकारले तपाई
चार वर्षकै नियुक्ति दिए पनि मानिदैन
यो ऐन कानुन भन्ने कुरो
आफूले जानिन पनि जानिदैन
आफूले त नमानेपछि
घोक्रेठ्याक लाउने हो
तपाईंलाई आजै फाले
भोलि नै अर्को मान्छे ल्याउने हो
भन्नुस् सदस्य सचिवज्यू
तपार्इंको राजिनामा कहिलेसम्म आउने हो ?

बढता जोरी खोज्नु भयो भने
मतियार लगाई दिन्छु
मुद्धा हाल्न थाल्नु भयो भने
अख्तियार लगाई दिन्छु
तपाईंलाई चार चार बर्ष कुर्ने कुरै भएन
मपाईलाई त्यत्रो बर्ष मन्त्री पद जुर्ने कुरै भएन
दुई चार दिनलाई भए पनि मन्त्री भइ आइयो
त्यसैले सदस्य सचिवज्यू
तपाईंको राजीनामा तु. चाहियो ।

दाङ, हाल : काठमाडौं