तिन माना निल्नेहरू
धेरै नै देखेँ मैले यहाँ पैसा सँगै बिक्नेहरू
आफ्नो सम्झी मन दिँदा आफ्नै मुटु झिक्नेहरू ।
ठाउँ ठाउँमा नै देखिन्छ, नपत्याए आफैँ हेर
मन्दिरमा चढाएको भेटी समेत टिप्नेहरू ।
मुखले ठिक्क पार्ने सबै मनभित्र इर्श्या राखी
खाल्टोभित्र खसेकालाई, माथिबाट थिच्नेहरू ।
तिमीहरू मानव हौ भने किन दानव भयौ ?
अर्ती–बुद्धि दिँदा उल्टै आफैंसँग भिड्नेहरू ।
लोभीको भाँडो उभिन्डो हुन्छ भनेका थिए
मुफ्तमा त चुक अमिलो तिन माना निल्नेहरू ।
रामेछाप बिजुलीकोट– ३, काङ्बा