नेपाली हास्यव्यङ्ग्य अनलाइन पत्रिका

१. दर्शनको फसल

राजनीतिको व्यापार र
व्यापारको राजनीतिपछि
के कोदो ? के तोरी ?
यहाँ कुनै असल भएनन् ।
इच्छाहरू अधुरा भएर
दर्शनको फसल अब्बल भएनन् ।

२. राहत

संसद बस्दा संसदका कुरा
विघटनपछि शैली नै अधुरा
राहत त केवल निहूँ हो ?
भित्रभित्रै आहत र मर्माहतको छुरा !!

३. विभाजन

माछालाई जलचर
जमिनका प्राणीलाई स्थलचर ।
भ्यागुता र मान्छेको सम्बन्ध छ क्यारे–
दुवैको धानी पुग्दैन दुवै उभयचर !!

४. मान्छेको खोजी
दूधमा पानी होइन पानीमा दूध मिसाउँन थाले
चामलमा ढुङ्गा होइन बरु ढुङ्गामा चामल खोज्न थाले ।
मानिसमा राक्षसको खोजी गरिन्थ्यो हिजोहिजो,
अब त राक्षसमैँ मानिस रोजिन लागे ।

मन्थली, रामेछाप