नेपाली हास्यव्यङ्ग्य अनलाइन पत्रिका

पहिले कुखुराहरू बाहिर चर्थे
आफै खोज्थे खानेकुरा
फालिएका अन्न गड्यौला किरा
सबै खान्थे खुवाउँथे
राम्रै फुल पार्थे
बलिया चल्ला कोरल्थे
अहिले कुखुरालाई
रेडीमेड दाना खाने बानी लागेको छ
एकै ठाउँमा खाने फोहोर गर्ने
कतै नचलिकन मोटाउने
बानी लागेको छ
न चल्ला कोरल्ने झन्झट
न खानेकुरा खोज्ने मेहनत
कसैले छरिदिएको दाना
खाइरहनका लागि
अहिले कुखुरालाई
खोरभित्र रमाउने बानी लागेको छ ।

काठमाडौं