मरुभूमि नारायणउल्टोपाल्टो
छोरा नास्तिक भएको छ मन्दिरको पुजारीको
घरमा चोर पस्यो भन्छन् ताला बेच्ने बेपारीको ।
मास्टर साहेब डेरा खोज्दै हिंडेका छन् गल्ली गल्ली
भव्य महल भाडामा छ सडकको त्यो भिखारीको ।
मान्छे पशु भएपछि पशु मान्छे भएका छन्
बाँदर बस्न थालेका छन् नाच हेर्दै मदारीको ।
बाघले घाँस खानु पर्ने शिकार गर्न नपाइने
नयाँ करार भएको छ शिकार अनि शिकारीको ।
माग रैछ बजारमा शरीरका पूर्जाहरू
पूर्जाहरू बेचिदिए बिमारीले बिमारीको ।
जति पाप गर्यो उति फलिफाप हुन्छ भन्दै
‘करूण’ले फूल कुल्चिरह्यो एक एक गर्दै फूलबारीको ।
काठमाडौं
Subscribe
Login
0 Comments
Oldest
