नेपाली हास्यव्यङ्ग्य अनलाइन पत्रिका

१. नाता

लोग्नेस्वास्नीको नाता घाँटीको डोरो हो
मन मिलुन्जेल दोहोरो, नत्र एकोहोरो हो ।
चित्त कित्ताकाट नगर दम्पती हो–
त्यसपछिको नाता टाउका माथिको लोहोरो हो ।

२.प्रेमको बैङ्क

रूपैयाँको मात्र होइन प्रेमको पनि बैङ्क हुन्छ
फोटोको के कुरा ? हृदयको पनि फ्रेम हुन्छ ।
यी सबै तन र मन झरिला हुँदाका कुरा हुन्–
आँत मरेपछि र दाँत झरेपछि सबै खङ«ङ्ग हुन्छ ।

३. जिन्दगीः एक शब्दचित्र

आकार कटाइमा परेको
जिन्दगी बाँसको चोया हो ।
बाटेर खिरिलो भएको
जिन्दगी डोरीको पोया हो ।
तर असफलता हात लागेपछि
जिन्दगी छोडाएको मकैको खोया हो ।

४. आशा

भीडतन्त्र प्रजातन्त्रलाई आहत भो
प्रजातन्त्र जनताको चाहत हो ।
बजार महङ्गीको मुरली बजाउँदै छ–
फगत आन्दोलन नै अहिलेलाई राहत भो ।

५. सन्तान

प्रीतिभोजमा आएका पाहुना झैँ हुन् सन्तान
मीठो भए प्रशंसा, नमीठोमा दन्तबझान ।
पखेँटा लागेपछि गुँडमा नफर्कने चराका बच्चा झैँ
बाउआमा कल्पिन्छन्– ‘दुई सन्तान ईश्वरका बरदान ।’

मन्थली, रामेछाप