नेपाली हास्यव्यङ्ग्य अनलाइन पत्रिका

पहिले पहिले
राणाको दरबारमा हुर्केको चाकडीलाई
राजदरबारमा देख्थे
फाट्टफुट्ट कहिलेकाहीँ
सिंंहदरबारमा पनि देख्थे
राजसस्था ढलेपछि
लाग्थ्यो चाकडी पनि ढल्यो होला
यो पनि बिदेशतिर चल्यो होला
तर के जान्थ्यो बजिया विदेशतिर
त्यहाँ यसको न काका छ न बाउ छ
न त्यहाँ यसको चाकडी गर्ने कुनै ठाउँ छ
यो त राजदबारबाट नेता–दरबारतिर पो सरेको रैछ
देउपा दरबारमा होस् कि ओली दरबारमा होस्
या प्रचन्ड दरबारमा होस्,
गर्नु गरेको रैछ
नेताको दरबारमा पो, यो हेर्न लायक छ
मानौ यो नै त्यहाँ विशेष नायक छ ।

बिहान आउँछ ओली दरबारलाई सलाम ठोक्छ
दिउसो आउँछ देउपा दरबारलाई ढोक्छ
साँझ आउँछ प्रचन्ड दरबारलाई गुनासो पोख्छ
अरुलाई भित्र पस्न पनि कति गाह्रो छ
तर यसलाई त्यहाँ कसले रोक्छ
यसको अगाडि अच्छे अच्छे नेता पनि मुला छ
थाह छैन यसले
ठुल ठुला मान्छेलाई खै कसरी भुला छ ।

चाकडी पछि लागेपछि
जस्तै मै हुँ भन्नेले पनि घुँडा टेक्छ
जति नैतिकताका कुरा गरे पनि
यसको अगाडि बाउको बिहे देख्छ
यो चाकडीको कला पनि
कोही आइ सिकेका, कोही त जन्मदै लिइ आएका
धन्य छ तिमीलाई, जो छन् यो कला पाएका ।

दाङ, हाल  : काठमाडौं