नेपाली हास्यव्यङ्ग्य अनलाइन पत्रिका

बसका गुरु
खसका गुरु
फेरि आका छन् कसका गुरु
कोटका गुरु
नोटका गुरु
यी फेरि आका छन भोट्का गुरु
भोट्का गुरुलाई
टोल समाजले खै कसरी लिन्छन्
तर भोट्का गुरु भनेपछि
जसले पनि चिन्छन् ।

नखाँदा भोट्का गुरु गाई सरी
खाएपछि यी मुन्ना भाइ सरी
भोट्का बाहेक अरु तान्दै तान्दैनन्
तानेपछि आफूलाई कम्ती ठान्दैनन्
सुरुमा उनलाई कसैले सुँगाइ दिए पुग्यो
बाँकी कसैलाई तिर्न दिदैनन्
जुको जस्तो नफुलेसम्म
अखाडाबाट कसैलाई हिंड्न्ै दिदैनन्
सुट पनि ठोकेका छन्
नोट पनि बोकेका छन्
पाडो दुध खाए झै भोट्का धोकेका छन्
कसैले सुरु गर्देपछि
कति जनाले आएर खाए थाह छैन
दुइचार हजार नतिरेको त कुनै दिन भाछैन ।

हल्का चिनजानका पनि
आउँछन् टन्न भोट्का ठोक्छन्
भोट्का गुरु लरबराए भने घरसम्म बोक्छन् ।
छोरा छोरी के खान्छन त्यो
भोट्का गुरुलाई थाह छैन
महिनौ भइसक्यो होला
घरमा माछा मासु आछैन ।

टुन्न परी भोट्का गुरु
सधैं मध्यराती घरमा आउँछन्
उनी आउँदा
न गृहिणी न छोराछोरिले थाह पाउँछन्
थाह छैन भोट्का गुरु
भोट्कासँग खै कहिलेदेखि अघाउँछन्
घरका लागि भन्दा पनि परका लागि
कहिलेसम्म यसरी धन पैसो बगाउँछन् ?

दाङ, हाल : काठमाडौं