मरुभूमि नारायणप्याट्ट फुट्यो हजुर
हिन्दा हिन्दै सडकमै लुटेराले लुट्यो हजुर
पुलिस आइ मैलाई नराम्ररी कुट्यो हजुर ।
माथिबाट आयो रे आदेश उदेश के के हो
जेल नपुग्दै अभियुक्त बीचैमा छुट्यो हजुर ।
दुखे जस्तो लागेन त्यति साह्रो त्यतिखेर
अर्को दिन जीउभरी गाँठागुँठी उठ्यो हजुर ।
नीला डाम र टुटिल्काले भरिपूर्ण शरीर
छुन लाग्दा टुटिल्को प्याट्ट फुट्यो हजुर ।
जँचाउन जाँदा डाक्टर सिधै भुइँमा ढले
त्यसपछि उनको मेरो नाता टुट्यो हजुर ।
औषधि त कति खाएँ धामी झाँक्री लाएँ
अन्त्यमा नर्क वासको साथ जुट्यो हजुर ।
तनहुँ
