नेपाली हास्यव्यङ्ग्य अनलाइन पत्रिका

छोरा नास्तिक भएको छ मन्दिरको पुजारीको ।
घरमा चोर पस्यो भन्छन् ताला बेच्ने बेपारीको ।

मास्टर साहेब डेरा खोज्दै हिंडेका छन् गल्ली गल्ली
भव्य महल भाडामा छ सडकको त्यो भिखारीको ।

मान्छे पशु भएपछि पशु मान्छे भएकाछन्
बाँदर बस्न थालेका छन् नाच हेर्दै मदारीको ।

बाघले घाँस खानु पर्ने शिकार गर्न नपाईने
नयाँ करार भएको छ शिकार अनि शिकारीको ।

माग रैछ बजारमा शरीरका पूर्जाहरू
पूर्जाहरू बेचिदिए बिमारीले बिमारीको ।

जति पाप गर्यो उति फलिफाप हुन्छ भन्दै
‘करूण’ले फूल कुल्चिरह्यो एकएक गर्दै फूलबारीको ।

काठमाडौं