नेपाली हास्यव्यङ्ग्य अनलाइन पत्रिका

ऊ मार हान्छ, हामीले ऐय्या भन्नु हुन्न, घिच्रो थाप्नुपर्छ
ऊ थप्पड हान्छ, हामीले गाला मसार्नु हुन्न, अर्को थाप्नुपर्छ
ऊ लात हान्छ, हामीले त्यसलाई समातेर टपक्क ढोग्नुपर्छ
ऊ सिमाना मिच्छ, हामीले आफ्ना घरखेत खालि गरिदिनुपर्छ
ऊ गाली बर्साउँछ, हामीले आशिर्वाद सम्झी भजन गाउनुपर्छ
ऊ डाँका पठाउँछ, हामीले सेफको साँचो आफैले खोल्दिनुपर्छ
ऊ घरमा आगो झोस्छ, हामीले पानी होइन मटितेल खन्याउनुपर्छ
ऊ बाटो रोक्छ, हामीले विरोध गर्नु हुन्न, पटुकी कसी बस्नुपर्छ
ऊ हाम्रो पानी लैजान्छ, हामीले बिहार हेर्दै मुख मिठ्याउनु पर्छ
ऊ हाम्रो विजुली लैजान्छ, हामीले उसको मैनबत्ती किन्नुपर्छ
ऊ छोरो ताक्छ, हामीले सलाम ठोक्न सिकाएर पठाउनुपर्छ
ऊ छोरी ताक्छ, हामीले रात रङ्गाउन सिकाएर पठाउनुपर्छ
ऊ सडेको तरकारी पठाउँछ, हामीले रेमिटयान्सको डलर पठाउनुपर्छ
ऊ ठग्ने पण्डा पठाउँछ, हामीले सलाम ठोक्दै नेता बनाउनुपर्छ !!
किनकि,
ऊ हाम्रो मित्र, ऊ हाम्रो पडोसी
ऊ हाम्रो सर्वश्व, ऊ हाम्रो हितैसी !